Thomas Zellweger e ses collegas purs en Val Fex e Segl han schon experientscha culla maschina. Avant 2 onns han els schon pudì empruvar or ella ed il resultat cuntenta di Thomas Zellweger. 80% da quellas lavazzas ch’ins veva cumbattì èn betg pli vegnidas.
Aua da 90 grad
Quai è il recept. Cul nettegiader a pressiun ota vegn l’ova squittada en il terrain, las rischs da las lavazzas cotgas or uschè che la planta mora. 12 secundas per planta tanschan. Sch’ins pensa dentant quantas che èn d’enturn, san ins imaginar che i dat anc adina in lavur enorma. Ed in temp senza lavazzas na vegn quai tenor Thomas Zellweger mai a dar.