Engiadina - Ospiz Chapella daventa in center da furmaziun
L’Ospiz Chapella vegn transfurmà en in Center da furmaziun e perscrutaziun dal guaud alpin. Dal nov cussegl da fundaziun fan part la vischnanca da S-chanf, la Scol’auta spezialisada per selvicultura Zollikofen, la „Bildungswerkstatt Bergwald“ ed in represchentant da las baselgias d’Engiadin’Ota.
Sco president da la nova fundaziun sa metta a disposiziun Arthur Sandri. Tar l’Uffizi federal maina l’Engiadinais la secziun bovas, lavinas e guauds da protecziun. Dapi ils onns 1970 vegniva l’ospizi Chapella manà sco chasa da vacanzas e scolaziun per champs da scolas, da la baselgia e dad autras gruppas.
