-
Bild 1 von 8. Il pachetar las cuvertas cun il numer da partenza ed il satg vul inschign. Bildquelle: RTR, Armon Schlegel .
-
Bild 2 von 8. 50 bustas n'han quest onn betg plaz en ina chascha. Bildquelle: RTR, Armon Schlegel .
-
Bild 3 von 8. La tastga duai esser ina bella regurdientscha a la 50avla ediziun dal Maraton. Bildquelle: RTR, Anna Caprez .
-
Bild 4 von 8. ... e la part davos dal satg da giubileum. Bildquelle: RTR, Anna Caprez.
-
Bild 5 von 8. Donato Fanconi è responsabel per il transport dals satgs cun ils effects. Bildquelle: RTR, Anna Caprez.
-
Bild 6 von 8. Ils voluntaris èn pronts per pigliar encunter ils satgs cun ils effects dals curridurs. Bildquelle: mad.
-
Bild 7 von 8. Ils passlunghists pon deponer lur satg direct en il camiun che correspunda a lur numer. Bildquelle: mad.
-
Bild 8 von 8. La caravana da 32 camiuns en direcziun arriv dal Maraton da skis engiadinais. Bildquelle: mad.
Il pachetar ils numers da partenza dals 14’200 participants è perquai pli difficil: Il satg nair dovra dapli plaz en la busta alva. Il proxim problem ch’ins ha gì da schliar durant l’acziun da pachetar èn las chaschas numeradas che cuntegnan en sasez adina 50 bustas. Quest onn han be var 36 plaz, uschia che las dunnas da la societad da gimnastas Samedan han dad emplenir dasperas er anc ina tastga cun ulteriuras bustas.
Plaz avunda en il camiun ?
Er il transport dals satgs cun material persunal daventa uschia ina pitschna sfida. Donato Fanconi è responsabel dapi 30 onns per il transport da quels satgs d'effects, da la partenza a Malögia fin a l’arriv a Puntraschigna ed a S-chanf. El fa quint ch’ils satgs han en ina maniera u l’autra bain plaz en ils 32 camiuns ch’èn previs per il transport: «I pudess dentant vegnir stretg!»
Cifras e cifras ...
La tastga da giubileum naira, chaschuna tenor il disponent anc in’ulteriura sfida per ils numerus voluntaris ch'han da pender si ils satgs en ils camiuns tenor numers. Sper il logo dal maraton è da vesair sin la tastga er ina siluetta d’in passlunghist ed en quella èn pliras cifras. Il numer da partenza effectiv dal curridur è dentant montà en in chantun sisum a sanestra e quai en cifras pli pitschnas. Tenor Donato Fanconi vuli simplamain ina buna concentraziun ed in pau inschign, lura funcziuneschia tut.
RR actualitad 11:00