Guido Baselgia tutga tar ils pli impurtants artists da fotografia en Svizra ed ha gia survegnì plirs premis e distincziuns. Sias fotografias porschan perspectivas fitg insolitas. Dapi 20 onns examinescha l’um da 63 onns cuntradas da l’extrema durant retschertgas.
Engaschament total per l’ovra
Per ses purtrets va l’artist fin la fin dal mund, a la emisfera dal nord e dal sid, ma er sin ils auts en Engiadina. Durant sias lungas spassegiadas tschertga Guido Baselgia l’infinitad e la libertad da l’egliada.
(Betg) lontan
A chaschun da l’onurificaziun cun il premi cultural, preschenta Guido Baselgia sia lavur durant questa stad cun duas exposiziun a Puntraschigna. Entant ch’ins chatta en plirs lieus publics placats cun maletgs dal massiv dal Bernina, fotografà or da l’aria, survegn ins ina invista en la lavur da l’artist durant ils ultims decennis cun l’exposiziun '(betg) lontan'. Quella è da vesair questa stad en la nova galaria a Puntraschigna Plattner & Plattner.
-
Bild 1 von 8. Art dal fotograf Guido Baselgia en il spazi public. Bildquelle: RTR, Anna. Caprez.
-
Bild 2 von 8. L'artist e fotograf Guido Baselgia. Bildquelle: mad.
-
Bild 3 von 8. (Betg) lontan ha num l'exposiziun actuala da Guido Baselgia a Puntraschigna. Bildquelle: mad.
-
Bild 4 von 8. Ina da las numerusas ovras da Guido Baselgia. Bildquelle: mad.
-
Bild 5 von 8. Notg polara da Guido Baselgia. Bildquelle: mad.
-
Bild 6 von 8. La surdada dal premi. Martin Aebli, president communal da Puntraschigna cun l'artist Guido Baselgia. Bildquelle: RTR, Anna Caprez.
-
Bild 7 von 8. La cumissiun culturala da Puntraschigna cun il victur dal premi 2016. Bildquelle: RTR, Anna Caprez.
-
Bild 8 von 8. Martin Aebli, president communal surdat premi cultural da Puntraschigna a Guido Baselgia. Bildquelle: RTR, Anna. Caprez.
RR actualitad 07:00