Siglir tar il cuntegn

Engiadina President da la Cumissiun federala dal Parc Naziunal dat adia

La Cumissiun federala dal Parc Naziunal perda sin la fin da quest onn ses prim president engiadinais. Suenter 16 onns en uffizi sto Robert Giacometti prender cumià.

Cumenzà ha tut durant ils onns 90 durant las tractativas per in engrondiment dal Parc Naziunal Svizzer. Sco president communal da Lavin aveva Robert Giacometti mess en moviment l’idea d’integrar ils Lais da Macun en la zona dal Parc Naziunal Svizzer.

Ils 25 da mai 1999 ha la radunanza communala da Lavin lura decidì a favur da quest’idea. L’onn 2000 èn ils Lais da Macun lura vegnids surdads uffizialmain al Parc Naziunal.

Cun questa decisiun n’ha Robert Giacometti betg mo procurà per l’unic engrondiment dal parc durant ils ultims 50 onns, l’onn 2000 è el era vegnì elegì sco prim engiadinais insumma en la Cumissiun federala dal Parc Naziunal. President da la cumissiun è Giacometti dapi l’onn 2008. Ses successur n’è anc betg enconuschent.

Artitgels legids il pli savens