Legenda:
La situaziun da lavinas sin il territori da skis en l'Engiadin'Ota è precara.
Keystone
cuntegn
Engiadina - Privel da lavinas: Diavolezza e Lagalb restan serrads
Pervia dal grond privel da lavinas (stgalim 4) che regia il mument en la regiun da Diavolezza e Lagalb restan ils territoris da skis serrads l'entira sonda.
Sco quai che las pendicularas communitgeschan, saja la situaziun da lavinas critica ed i saja da quintar cun lavinas spontanas, probabel er pli grondas. Las pendicularas sin il Corvatsch/Furtschellas èn avertas.
Privel da lavinas considerabel per il rest dal Grischun
L’institut da naiv e lavinas a Tavau annunzia in grond privel da lavinas er per il Puschlav, la Bregaglia e la regiun enturn il San Bernardino. Per il rest dal Grischun vala in privel da lavinas considerabel, stgalim 3.
