Cumenzà ha tut il venderdi saira cun ina party da barlot. Sequent è vegnì festivà duas partys en stil da Bollywood ed il glindesdi han els lura fatg nozzas.
Quella nozza ha cumenzà cun ina processiun da nozzas tras las giassas da San Murezzan. Quella processiun è stada mo per il spus – la spusa ha spetgà en il Hotel Badrutt’s Palace.
En tut var 750 giasts
Il pèrin indic ha envidà var 750 persunas – quellas 750 persunas han gì temp quatter dis per emprender d'enconuscher. Quai è era il motiv che las festivitads han cuzzà bunamain in'emna.
Tut è secret
Era sche la populaziun è stada envidada da proseguir a la processiun da nozzas è atgnamain magari tut secret. Ils responsabels discurran da var 750 giasts, ils custs circa 7 milliuns francs e davart la schlatta vegn be speculà. Confermar na vul nagin nagut.
Pertge San Murezzan?
La dunna dal directur dal Hotel Badrutt's Palace è era da l'India. Para enconuscha ella la famiglia dal spus e ha uschia pudì muventar la famiglia da far las nozzas a San Murezzan.
-
Bild 1 von 5. Il spus. Il spus e tut ils giasts en vestgadira luxuriusa e colurada. Bildquelle: RTR, Ulrica Morell.
-
Bild 2 von 5. Impressiunà. Era il spus è impresiunà da la schurma da glieud. Bildquelle: RTR, Ulrica Morell.
-
Bild 3 von 5. Il spus en charrotscha. Il spus fa il viadi dal Hotel Kulm fin tar il Hotel Badrutt's Palace en charrotscha. Bildquelle: RTR, Ulrica Morell.
-
Bild 4 von 5. Grond interess. La populaziun ha admirà la prozessiun. Bildquelle: U. Morell.
-
Bild 5 von 5. La processiun da nozza. La processiun è stada mo per il spus - la spusa ha spetgà en il Hotel Badrutt's Palace. Bildquelle: RTR, Ulrica Morell.
RR actualitad 11:00