Engiadina - Puntraschigna fa proxim pass per tgasa da tgira a San Murezzan

La suprastanza communala da Puntraschigna ha decidì che la vischnanca duai sa partecipar cun 450'000 francs vid ils custs da project da 2,3 miliuns francs per ina nova chasa da tgira a San Murezzan. La radunanza communala dals 25 da matg decida lura davart quest credit. Puntraschigna ha decidì l'onn 2014 ensemen cun Segl, Silvaplauna e San Murezzan da realisar ensemen in nov project per ina chasa da tgira sin l'areal Du Lac a San Murezzan. Quai suenter che la populaziun da l'Engiadin'Ota aveva ditg na ad in project per ina chasa da tgira per tut l'Engiadin'Ota a Samedan.