Engiadina - Puntraschigna festivescha «ses» president dal Cussegl grond
Cun in apero per tuts ha Puntraschigna festivà ses president communal, Martin Aebli (PBD) ch'è dapi la sessiun d'atun er president dal Cussegl grond ha beneventà radund 200 parlamentaris en Engiadina.
L'aura d'enviern en ils auts n'ha betg pudì tementar il Cussegl grond. Suenter ina curta discussiun davart il center da logistica da la posta a Cuira, ha cumenzà la part ilarica da la sessiun d’avust: Numnadamain il viadi en la patria e lura la festa per il nov president dal Cussegl grond.
1 / 9
Legenda:
Il pli aut Grischun.
RTR, anna caprez
2 / 9
Legenda:
L'unica represchentaziun indigena: il Grupo de Cavaquinhos Português e da la Ukulele Grupa Português Engiadina.
RTR, Anna Caprez
3 / 9
Legenda:
Il president dal Cussegl grond e la presidenta da la regenza –
Martin Aebli (BDP), Barbara Janom Steiner (BDP) ed il salter dal chantun Grischun.
RTR, Anna Caprez
4 / 9
Legenda:
Bainvegni a Puntraschigna.
RTR, Anna Caprez
5 / 9
Legenda:
Il regal da la vischnanca politica e burgaisa da Puntraschigna –
in ovra d'art per il novelegì president dal Cussegl grond spetga.
RTR, Anna Caprez
6 / 9
Legenda:
Martin Aebli e sia dunna Martina scuvran ensemen il regal.
RTR, Anna Caprez
7 / 9
Legenda:
La tenda da festa a Puntraschigna.
RTR, Anna Caprez
8 / 9
Legenda:
Christian Jott Jenny alias «Leo Wundergut» tar la producziun per ils giasts.
RTR, Anna Caprez
9 / 9
Legenda:
Martin Aebli cun sia dunna e Barbara Janom Steiner cun ses um.
RTR, Anna Caprez
Martin Aebli è vegnì festivà cun tut las onurs usitadas
Suenter il viadi cun la posta han ils giasts da festa sa chattads ad in apero per il nov pli aut Grischun en il Hotel Walther a Puntraschigna. Malgrà l'aura plitost fraida e bletscha e malgrà l'emprim di da chatscha èn vegnids sper ils giast envidads er blers indigens.
audio
Festa cun pleds e piztgadas
04:29 min, ord Novitads dals 03.09.2017.
laschar ir. Durada: 4 minutas 29 Secundas.
audio
Mezdi: Puntraschigna festivescha Martin Aebli
00:57 min, ord Novitads dals 02.09.2017.
laschar ir. Durada: 57 Secundas.
Gentar, discurs e producziuns en la tenda da festa stgaudada
01:02
video
Il cor dal Cussegl grond chanta per ses president
Or da RTR dals 02.09.2017.
laschar ir. Durada: 1 minuta 2 Secundas.
Per l'act festiv ed il gentar èn ils giasts envidads ids en la tenda da festa stgaudada gist sper l'hotel. Sper ils pleds da laudatio haja er dat las salamuiras da las differentas partidas. Quellas eran tuttas munidas cun remartgas saladas.
Per l'Engiadina è l'elecziun da Martin Aebli in'onur, che sa repeta en quatter onns gist trais giadas – cun Duri Campell (S-chanf), Michael Pfäffli (San Murezzan) ed uss Martin Aebli (Puntraschigna).
In sguard en las medias socialas mussa, ch'ils deputads han laschà sa plaschair l'excursiun en l'Engiadina:
