Legenda:
Puntraschigna sa participescha a l'augment dal capital d'aczias per la futura Diavolezza Lagalb SA.
RTR, Federico Belotti
cuntegn
Engiadina - Puntraschigna segna aczias da la Lagalb SA per 250'000 francs
Unanimamain ha la radunanza communala da Puntraschigna approvà la proposta da la suprastanza, da segnar per la futura Diavolezza Lagalb SA aczias per 250'000 francs.
Uschia sa participescha la vischnanca a l'augment dal capital d'aczias da total 1,43 milliuns francs. Quel è necessari perquai ch'ils acziunaris pricipals da la futura Diavolezza Lagalb SA èn ils medems sco da la Corvatsch SA.
Plinavant ha il suveran da Puntraschigna approvà las cunvegnas da prestaziun cun l'Archiv cultural d'Engiadin'ota e cun la fundaziun Museums d'Engiadina. Quai è stà necessari suenter ch'il circul d'Engiadin'ota è vegnì schlià.
