Il center d'infurmaziun per il traffic public è situà en la veglia tur d'aua da la staziun a Mals. La tur d'aua che stat sut protecziun da monuments è in relict da temps cura che ils trens giravan anc cun vapur. Ussa è la tur in biro da marketing e d'infurmaziun per il traffic public che sa concentrescha a Mals. A Mals arriva numnadamain la lingia d'autos da posta da Zernez sur il pass dal Fuorn e tras la Val Müstair. I parta il tren vers Meran. Ed era la lingia da bus vers l'Austria a Nauders parta davent da la staziun da Mals.
Biosfera Val Müstair spera da profitar
Il nov center d'infurmaziun collavura cun la Biosfera Val Müstair. Las purschidas da la Biosfera vegnan preschentadas en la tur d'aua. Il manader da la Biosfera Ulf Zimmermann spera che uschia arrivan novs giasts en Val Müstair.
RR actualitad bunura 06:00