La basa per che la regiun Malögia po cumenzar a lavurar è dada. Ils statuts per la nova regiun èn vegnids elavurads. Quests regleschan surtut ils fatgs administrativs da la regiun Malögia.
Co che las incumbensas dal circul vegnan schliadas n’è dentant anc betg cler. Perquai stoppian ins chattar pli tard ina soluziun, hai num en la communicaziun da las 12 vischnancas. Il circul da l’Engiadin’Ota exista anc enfin la fin dal 2017. En il decurs da quest onn decida la populaziun davart ils statuts.
