Legenda:
Clavenna vegn ad esser il lieu da la festa chantunala da chant l'onn 2018
RTR, A.Caprez
cuntegn
Engiadina - Rezia chanta – festa chantunala da chant 2018 sur cunfin
Per l'emprima giada ha cunquai lieu ina festa da chant dal Grischun sur cunfin. L’idea da collavurar cun ils vischins Talians è naschida ord il fatg che il dirigent dal chor viril da Samedan è da Piuro, ina vischnanca davant Chiavenna.
Jon Fadri Huder, commember dal chor viril da Samedan e president dal comité d’organisaziun da vart Samedrina, è dapli che persvas da l’idea. Ed il gea unanim dals delegads da l’uniun chantunala da chant dal Grischun fetschia grond plaschair.
Finamira dal project Rätia chanta saja in barat cultural e dad unir differentas culturas. E cun temperaturas da stad il zercladur saja Chiavenna la culissa perfetga. Il chor viril da Samedan s'empermetta in'atmosfera extraordinaria a la festa.
