Davent da l'entschatta avrigl maina Roland Weber la chasa d'attempads Puntota a Scuol. Uschia dettia ina midada fluctuanta cun la manadra actuala Päivi Karvinen, che banduna Puntota suenter quatter onns per s'orientar professiunalmain da nov.
L'engaschament da l'um ch'abita per il mument a Cuira è tenor communicaziun planisà per dus onns. Durant quels vegnia Weber a sviluppar vinavant il model da cooperaziun cun il Center da sanadad Engiadina Bassa. E cunquai ch'el haja experientscha cun projects da bajegiar gronds possia Weber era sa participar activ a la renovaziun che cumenza il mars.
RR novitads 14:00