-
Bild 1 von 3. 150 abitantas ed abitants han visità la radunanza communala da la vischnanca da Valsot. Bildquelle: RTR/Georg Luzzi.
-
Bild 2 von 3. L’interess per las elecziuns communalas era grond. 150 abitantas e abitants han visità la radunanza a Ramosch. Bildquelle: RTR/Georg Luzzi.
-
Bild 3 von 3. Ils nov elegids da sanestra: Armon Mayer, Armon Kirchen, Victor Peer, Ursina Caviezel e Fadri Riatsch. Bildquelle: RTR/Georg Luzzi.
Contract da fusiun
Bleras vischnancas en il Grischun resguardan ch'i ston eleger per mintga fracziun ils cussegliers communals proporziunalmain.
Betg uschia en la vischnanca da Valsot, là ha valì questa regla sulettamain per la prima perioda d’uffizi. Ussa, tar la segunda perioda scroda questa regla, uschia che dastgan vegnir elegids era tuts be d’ina fracziun.
Las elecziuns a Valsot
Nagina discussiun ha dà l’elecziun dal capo. Victor Peer è vegni elegì cun 103 vuschs da 150. Tar il cussegl communal è vegnida rutta la lescha nunscritta. Elegids en Armon Mayer (fin qua), Armon Kirchen (nov) e per l'emprima giada ina dunna, Ursina Caviezel (nov), tuts da la fracziun da Tschlin. Sulettamain Fadri Riatsch (fin qua) è vegnì elegì per la fracziun da Ramosch.
Per l'emprima giada ina dunna en il cussegl communal
Ursina Caviezel da Tschlin è l'emprima dunna ch'è vegnida elegida en il cussegl communal da la vischnanca da Valsot.
Sper il cussegl communal è vegnì elegì era il cussegl da scola e la cumissiun da gestiun 2017-2020.