La via en la Val S-charl è anc adina interrutta, pervia da las bovas da l'ultima fin d’emna. La fracziun S-charl, ch'è ina perla turistica, è accessibla be a pe u cun helicopter. Per ils hoteliers a S-charl ha quai consequenzas gravantas. Las terrassas da las ustarias èn vidas ed ils giasts d’hotel mancan.
Las lavurs per rumir la via avanzan dentant bain. Tenor las davosas infurmaziuns da la vischnanca da Scuol savessi esser pussibel d'avrir la via – sche tut va bain – gia questa fin d’emna ubain il cumenzament da l’emna proxima.
RR actualitad 07:00