Engiadina - Samedan survegn raschun al Tribunal federal
La Dretgira administrativa dal chantun Grischun sto giuditgar da nov schebain la vischnanca da Samedan dastga laschar construir in hotel ed abitaziuns en il territori da protecziun «Sper l'En».
Il Tribunal federal ha approvà in recurs da la vischnanca da Samedan cunter la decisiun da la Dretgira administrativa. Perquai che lezza haja giuditgà il plan directiv fallà, haja ella tratg ina decisiun fallada. Quai di il Tribunal federal ed agiunta che la vischnanca haja fatg avunda expertisas en chaussa.