-
Bild 1 von 3Legenda: La pendiculara da Samignun. RTR, Georg Luzzi
-
Bild 2 von 3Legenda: Samignun en direcziun da Compatsch RTR, Georg Luzzi
-
Bild 3 von 3Legenda: Walter Zegg, candidat per il presidi communal da Samignun. RTR, Georg Luzzi
Proxima dumengia han lieu a Samignun las elecziuns per il cussegl, la suprastanza ed era per il president communal. Il president actual, Hans Kleinstein na dastga betg pli candidar pervi da la limitaziun dal temp d'uffizi.
Walter Zegg è gia dapi l’onn 1976 adina puspè activ en la politica, pliras giadas era sco president communal. L’ultima giada era el dal 2004 enfin il 2006 al timun dal vitg.
Nagin vul auter che Zegg
Glieud da fatschenta vesia dischavantatgs per lur manaschis, sch’els s’engaschian en la politica. Ed ils giuvens n'hajan anc betg l'experientscha u ch'els bandunian la val, manegia Walter Zegg. En questa situaziun na dettia nagut auter che danovamain surpigliar responsabladad.
Walter Zegg vesa en sia candidatura era in zichel provocaziun. Uschia veglia el animar ulteriurs da vegnir activs e s’engaschar. Sche la strategia funcziuna vegn ins a vesair il di da l’elecziun, ils 21 october.
RR actualitad 07:00