Engiadina Samignun Val Müstair - Directura da turissem banduna la regiun
La regiun da vacanzas «Engiadina Samignun Val Müstair» sto tschertgar ina nova directura u in nov directur da turissem. Martina Hollenstein Stadler banduna la destinaziun da vacanzas sin la fin d’avust, communitgescha l’organisaziun da turissem.
Suenter 5 onns en sia funcziun actuala haja ella decis da s’orientar da nov. Ella s’allegria sin ils sis mais che restian e saja persvasa ch’i dettia ina buna surdada dal timun.
Durant ses temp d'uffizi han Martina Hollenstein Stadler e ses team surtut elavurà e realisà ina strategia da marketing digitala. Ils davos dus onns eran dominads da la pandemia.
Legenda:
Suenter 5 onns en sia funcziun actuala haja Martina Hollenstein Stadler decis da s’orientar da nov.
MAD
Ord l'archiv
100 dis suenter che Martina Hollenstein Stadler ha surprendì il timun da l'organisaziun turistica ha RTR fatg ina emprima bilantscha cun ella.
