Sonda vers las 11 è arrivà il Grond cussegl cun ses nov president Miachael Pfäffli (partida liberaldemocrata PLD) a San Murezzan. En il parc da cura a San Murezzan bogn ha il president communal Sigi Asprion retschavì Michael Pfäffli e tut ils deputads. Suenter hai dà in cortegi enfin tar la halla da tennis nua che la festa è vegnida cuntinuada cun gentar ed allocuziuns.
2 presidents dal Cussegl grond en roda da l'Engiadin'Ota
Michael Pfäffli è president dal Cussegl grond durant in onn. Il vicepresident è Martin Aebli da Puntraschigna (partida burgais democratica PBD). El vegn en in onn successur da Michael Pfäffli sco president dal Cussegl grond. Quai savess esser in avantatg per la regiun.
Tant Pfäffli sco era Aebli mettan pais sin il fatg che in president dal Cussegl grond na fa betg politica tenor tradiziun. Dentant èsi senz'auter pussaivel da metter en ina buna glisch la regiun dal president dal Cussegl grond.
Uschia ha Michael Pfäffli gia organisà che il Grond cussegl vegn a visitar l'onn che vegn il Super-G dals umens durant il champiunadi da skis a San Murezzan.
-
Bild 1 von 8. Michael Pfäffli ed il salter. Bildquelle: RTR, David Spinnler.
-
Bild 2 von 8. Ultimas preparativas - Michael Pfäffli durant il cortegi a San Murezzan. Bildquelle: RTR, David Spinnler.
-
Bild 3 von 8. Il cortegi per il nov president dal Cussegl grond cummenza. Bildquelle: RTR, David Spinnler.
-
Bild 4 von 8. Gratulantas e gratulants a la festa. Bildquelle: RTR, David Spinnler.
-
Bild 5 von 8. Il pli aut grischun Michael Pfäffli en discurs cun la populaziun. Bildquelle: RTR, David Spinnler.
-
Bild 6 von 8. La raspada da festa a San Murezzan bogn. Bildquelle: RTR, David Spinnler.
-
Bild 7 von 8. Michael Pfäffli arriva a las festivitads. Bildquelle: RTR, David Spinnler.
-
Bild 8 von 8. Il president communla Sigi Asprion en ses discurs. Bildquelle: RTR, David Spinnler.
RR novitads 17:00