Ils acziunaris dad la Engiadina San Murezzan Turissem SA han elegì la gievgia Martin Berthod sco commember supplementar e represchentant da San Murezzan en il cussegl administrativ. Berthod è er suprastant da San Murezzan e maina là il departament per turissem, sport e cultura.
En pli ha radunanza generala confermà la gievgia la nova strategia da la societad e las finamiras fin il 2023. En il futur veglia la ESTM agir pli fitg sco manager da sistem. Quai vul dir: responsar la coordinaziun da la destinaziun turistica e surpigliar ensemen cun il sustegn da las vischnancas il lead turistic.