Engiadina San Murezzan - Pendicularas han fatg 50% pli pauc gudogn
La «Engiadina San Murezzan Mountains SA» ha fatg per l'onn da gestiun 2019/20 in gudogn da 94'000 francs. Quai è in minus da radund 50% cumpareglià cun l'onn avant, quai resulta dal rapport da gestiun.
La pandemia da corona ha sfurzà la regiun da skis Corviglia da serrar tuttas portas ils 13 da mars. La regiun ha perquai gì radund 10% damain uschenumnadas emprimas entradas sin la muntogna, durant l'enviern.
Da stad èn dentant sur tut ils giasts svizzers stads fidaivels e grazia al concept da segirezza, han er giasts da la Germania e blers giasts dal di da l'Italia visità la regiun. La Engiadin Mountains SA ha gì durant la stad 10% dapli frequenzas che l'onn avant.
Pendicularas
Avrir la boxSerrar la box
La «Engadin San Murezzan Mountains SA» è la societad che maina las regiuns Corviglia e Muottas Muragl en Engiadin’Ota.
