Siglir tar il cuntegn

Header

Vista da Muottas Muragl sur la cuntrada da lais da l'Engiadin'Ota, in di da bellezza l'enviern.
Legenda: Il plan da temp per l'elecziun d'in nov cussegl administrativ è definì. MAD
cuntegn

Engiadina San Murezzan SA Nov cussegl d'administraziun duai vegnir elegì l'avrigl

La constellaziun dal cussegl administrativ da la destinaziun Engiadina San Murezzan SA duai sa midar en avegnir. Gia l'avrigl duai la radunanza generala deliberar il midament dals statuts ed era gist eleger il nov cussegl.

La proposta per il midament da l'artitgel 14 dals statuts da la destinaziun turistica da l'Engiadin'ota va oz venderdi en consultaziun tar las vischnancas da la Regiun Malögia ed ils purtaders da prestaziun. Elavurà ha quella proposta ina gruppa da lavur che consista dals presidents communals da San Murezzan, Segl, Silvaplauna, Schlarigna e Zuoz.

Cussegl da maximalmain nov commembers

Il nov cussegl d'administraziun duai consister da maximalmain nov commembers, dus dapli che fin ussa. El duai sa cumponer da persunas cun cumpetenzas en ils temas turissem, digitalisaziun, finanzas, communicaziun, marketing e persunal. Plinavant duai in nunconformist far part dal nov cussegl d'administraziun.

Enavant hai num en la proposta che almain trais persunas ston avair il domicil en la regiun.

Planisaziun ambiziusa

  • La consultaziun dura enfin ils 25 da favrer.
  • Tranter ils 27 da favrer ed ils 10 mars duai lura dar ina exposiziun da cooperaziun publica.
  • Davent dals 13 mars vul la gruppa da lavur scriver ora la tschertga per novs commembers dal cussegl administrativ.
  • Deliberar il midament dals statuts ed eleger il nov cussegl administrativ duai la radunanza generala da la destinaziun Engiadina San Murezzan ils 16 avrigl.

In nov cussegl d'administraziun sto vegnir elegì cunquai ch'il cussegl actual era sa retratg en globo suenter la critica da San Murezzan sco acziunaria pli gronda vi da la constellaziun da tal.

RTR novitads 14:00

Dapli da Engiadinaavrir la Landingpage

Nach links scrollen Nach rechts scrollen