Schlarigna duai vegnir protegì da la canera da la via chantunala. La regenza grischuna ha approvà in project da sanaziun. Quel prevesa tranter auter duas paraids da protecziun. Ils custs totals muntan a stgars 1,8 milliuns francs. 440'000 francs surpiglia il chantun.
Plinavant vegn introducì sin il vial d'access en direcziun San Murezzan ina sveltezza maximala da 50 kilometers l'ura. Fin ussa valevan 80 kilometers l'ura. Gia realisà ha il chantun che quest traject è vegnì sanà cun ina cuvrida speziala che fa pli pauca canera.
RTR novitads 09:00
