Engiadina - Scuol: Inauguraziun da la bandiera cun festegiar la fusiun
L’interess a la festa da fusiun da la vischnanca da Scuol è stà grond. Passa 90 societads da las 6 fracziuns Guarda, Ardez, Ftan, Tarasp, Scuol e Sent èn sa participadas activamain a la festa. En il center da quella festa è stada l’inauguraziun da la vopna da Scuol.
Legenda:
Act final cun la vopna uffiziala.
RTR, Reto Mayer
2 / 7
Legenda:
La vopna da Scuol
MAD
3 / 7
Legenda:
La festa d'inauguraziun da la bandiera nova a Scuol.
RTR, Reto Mayer
4 / 7
Legenda:
Barbara Janom Steiner.
RTR, Reto Mayer
5 / 7
Legenda:
Riet Fanzun, president dal comité d'organisaziun.
RTR, Reto Mayer
6 / 7
Legenda:
Christian Fanzun, president da vischnanca da Scuol.
RTR, Reto Mayer
7 / 7
Legenda:
Partenza da la festa da fusiun Scuol cun ils stans da las sur 70 societads.
RTR, Reto Mayer
Cumenzà la festa è vegnì cun la preschentaziun da las differentas societads. En la halla da glatsch Gurlaina han ells mess si 60 stans. Tut en il senn dad ina festa da fusiun han diversas societads er fatg stans ensemen – uschia per exempel las societads da chatschaders u er las societads da musica. Autras societads èn sa preschentadas durant la festa.
audio
Bunura: Festa da fusiun a Scuol
03:28 min, ord Actualitad dals 29.05.2017.
laschar ir. Durada: 3 minutas 28 Secundas.
L’act uffizial cun cussegliera guvernativa Barbara Janom Steiner
Avant l’act uffizial han las musicas da giuventetgna ed er las societads da las fracziuns dat in concert cuminaivel. En il center da la festa è stà l'act uffizial cun il pled festiv da la cussegliera guvernativa Barbara Janom Steiner. La vopna è vegnida inaugurada cun ina scena giugada da las societads da teater da las fracziuns
Inizià ed organisà la festa han las sis societads da giuventetgna.
