Avant 3 onns ha il Club Robinson vendì l’hotel a la LMEY Investment, in firma ollandaisa. Quella ha decidì quest onn, da serrar l’hotel per ils proxims 3 onns per pudair sanar el.
Suenter duai in’autra chadaina manar l’hotel. Tgenina che quai vegn ad esser n’è betg anc enconuschent.
In’era da 31 onns è ida a fin als 3 avrigl
Cun il Club Robinson na va betg mo a perder ina purschida turistica en regiun, ma surtut in impurtant factur economic.
La chasa cun 130 stanzas era ina da las pli grondas en la regiun Engiadina Bassa. Ella realisava 55’000 pernottaziuns ad onn ed era uschia ina da las valurs economicas pli segiras per il turissem en l'Engiadina Bassa.
Factur economic impurtant per l'Engiadina Bassa croda davent
Dal Club Robinson profitavan en emprima lingia las pendicularas Motta Naluns.
Sper ellas han dentant er la scola da skis, la plazza da golf, furniturs e na l'ultim era la vischnanca da Tarasp gì relaziuns impurtantas cun il Robinson.
Glieud da la regiun ha lavurà en e per la chasa, auters èn vegnids ad abitar e viver en regiun per pudair lavurar en il hotel da club.
-
Bild 1 von 3. Direcziun futura anc betg enconuschenta - . tgi che vegn a surprender il hotel sanà en 3 onns n'è betg vegnì communitgà. Bildquelle: RTR I.Jaeger.
-
Bild 2 von 3. 55'000 pernottaziuns damain - . tantas realisava il Hotel Schweizerhof sut la batgetta dal Robinson Club. Bildquelle: RTR I.Jaeger.
-
Bild 3 von 3. In impurtant factur economic - . il "Robinson Club schweizerhof" portava traffic e svieulta en regiun. Bildquelle: RTR I.Jaeger.
RR novitads 18:00