Il veterinari da la Clinica Alpina a Scuol Men Bischoff ha oz sin ses plan da lavur tranter auter ina operaziun tar in tgaun, tar la chogna Anja. Il chaun ha in tumor vid la chomma - lavurs chirurgicas s'audan tar il mintgadi en la clinica.
Dentant er ir giuador s'auda tar il mintgadi dals veterinaris da la clinica. Quai en cas urgents sco per exempel tar accidents ubain er naschientschas. «En cass fitg urgents, per exempel tar in accident sin l'alp, sgulein nus si cun in heli per guardar sche l'animal è anc transportabel», di Bischof che fa er anc suenter 25 onns sco veterinari mintga di fitg gugent sia lavur.
Cunzunt uss la stad èsi bler dad ir sin las alps e guardar pervi dad accidents
-
Bild 1 von 9. Men Bischoff analisescha la radiografia. Bildquelle: RTR, Sabrina Bundi.
-
Bild 2 von 9. Il veterinari Men Bischoff intercurescha il chaun. Bildquelle: RTR, Sabrina Bundi.
-
Bild 3 von 9. Men Bischoff sa prepara per l'operaziun. Bildquelle: RTR, Sabrina Bundi.
-
Bild 4 von 9. Il chaun è preparà per l'operaziun. Bildquelle: RTR, Sabrina Bundi.
-
Bild 5 von 9. Men Bischoff curt avant l'operaziun dal chaun. Bildquelle: RTR, Sabrina Bundi.
-
Bild 6 von 9. Men Bischoff operescha il chaun. Bildquelle: RTR, Sabrina Bundi.
-
Bild 7 von 9. Men Bischoff operescha il chaun. Bildquelle: RTR, Sabrina Bundi.
-
Bild 8 von 9. In animal che dovra agid dal veterinari. Bildquelle: RTR, Sabrina Bundi.
-
Bild 9 von 9. In vadi cun infusiun ha gì in grev start en la vita, la vatga mamma è gist daspera. Bildquelle: RTR, Sabrina Bundi.
Dentant èsi er pussaivel da vegnir cun ils animals directamain en la clinica - schizunt cun ils animals gronds. La clinica è numnadamain er drizzada en per operaziuns dad animals gronds sco chavals che paisan enfin 700 kilos. Ed ella ha er in'atgna stalla nua ch'els pon sa recrear ubain nua che la vatga mamma po restar cun il vadi sche quel ha da restar anc in zic sin controlla en la clinica.
RR actualitad 11:00