-
Bild 1 von 2. Ina part dals daners che la polizia ha chatta tar l'um che ha vendì cocain. Bildquelle: MAD, Polizia chantunala.
-
Bild 2 von 2. Ina part dals daners chattads tar l'um che ha vendì cocain. Bildquelle: MAD, Polizia chantunala.
Il Spagnol da 39 onns è stà ils ultims dus envierns sco turist en l'Engiadin'Ota. Durant quai temp ha el vendì cocain ad almain 17 differentas persunas, en la valur da plirs dieschmilli francs. Tar ina perquisiziun da la chasa dal vendider ha la polizia chattà plirs grams cocain sco era daners bluts en la valur da passa 20'000 francs.
Suenter l'arrest d'inquisiziun è l'um vegnì tramess da l'uffizi da migraziun e dretg civil dal Grischun ord il pajais. Il secretariat da stadi ha plinavant ordinà per l'um in scumond d'entrar en Svizra. En tut ha la polizia chattà 24 persunas en la vegliadetgna da 20 fin 35 onns che ston sa responsar davant la giustia grischuna, perquai ch'i han cuntrafatg a la lescha davart ils meds narcotics.
RR novitads 14:00