Il festival da musica electronica Burning Mountain a Zernez ha gì in success mediocher. Be anc radund 3'500 persunas han visità il festival. Quai è la mesadad da l'onn avant.
Ils organisaturs han dentant fatg quint cun in tal regress: Els hajan gì da restructurar l'organisaziun ed en pli haja quai dà fitg blers auters festivals en tut la Svizra. Quai ha ditg l'organisatur Dominique Lauber envers RTR. Per la vischnanca da Zernez è l'eveniment passà senza incaps. Quai tenor il responsabel da la vischnanca Fabian Schorta.