Mintga 2 onns organisescha il district da musica 1 da l'Engiadina e las valladas dal sid las producziuns libras per solists. Ina occurenza senza squitsch, i na dat betg puncts u rangs. Ma: i dat ina valitaziun e tips dad ina giuria. L'ediziun 2017 da las producziuns libras da solists è stada in success: 46 producziuns han ins pudì udir a Samedan durant tut la sonda. Tenor il president dal district 1 Jachen Kienz ha quai da far cun 3 facturs: i sa tractia dad in'occurenza senza squitsch per ils participants, i mussia che las societads da musica en la regiun sajan fitg activas ed i mussia era che las scolas da musica fetschian in'instrucziun dad auta qualitad. Per l'emprima giada han gì lieu las producziuns per solists en Engiadina l'onn 1997.
RR actualitad 07:00