Siglir tar il cuntegn
Areal Cho d'Punt
Legenda: Il tancadi Shell e la parcella davos e daspera duain vegnir surbajegiads. RTR, V. Rominger

Engiadina Surfabricaziun per 30 milliuns francs a Samedan

L’idea da far ina surfabricaziun ha Urs Pfister, il manader e possessur da d’Auto Pfister e Metallbaupfister, gia dapi onns. Enfin ussa n'hai or da differents motivs betg funcziunà. Cun il terren cumprà da la vischnanca stat uss a disposiziun ad el ina surfatscha da 6'000 fin 7'000 meters quadrat.

Sin questa surfatscha duess quai dar in center da commerzi. In fabricat, 80 meters lung cun localitads 4 meters autas.

El haja gia plirs interessents per las localitads, di Urs Pfister. Nums na dat el però betg enconuschent. Be tant: en il center possian potenzialmain blers chattar plaz, per exempel bancas, spezialists, butias ni er abitaziuns per indigens. Pfister vul vender ni dar a fit localitads, e quai sche pussaivel be a paucs partenaris che surprendan grondas surfatschas.

Nov tancadi

Il tancadi Shell ha Urs Pfister bajegià avant passa 20 onns. Uss duai quel vegnir renovà ed engrondì. La nov'immobiglia vegn lura sin la parcella davos il tancadi.

Cun il project vul Pfister duessi dar passa 100 novas plazzas da lavur ed il project duai - sche tut va tenor plan - gia esser a fin l’onn 2019 ni 2020.

Artitgels legids il pli savens