Legenda:
Gabriella Binkert Becchetti candidescha ussa tuttina per la suprastanza communala da la Val Müstair
RTR/David Spinnler
cuntegn
Engiadina - Surpraisa en Val Müstair: Binkert candidescha tuttina
Gabriella Binkert Becchetti candidescha tuttina per la suprastanza communala da la Val Müstair. Quai suenter ch'ella aveva annunzià da sa retrair da la politica locala.
Ils 16 d'october aveva pers Gabriella Binkert Becchetti da la Partida populara svizra PPS il cumbat electoral per il presidi da la Val Müstair.
Rico Lamprecht da la Partida burgais democratica PBD è vegnì elegì sco nov president communal cun 19 vuschs avantatg sin Binkert. Suenter la sconfitta aveva Binkert ditg ch'ella sa retiria da la politica locala.
Möchten Sie diesen ergänzenden Inhalt laden?
Hinter diesem Platzhalter verbirgt sich ein externer Inhalt (z.B. ein Social Media Post oder ein Video), den unsere Redaktion empfiehlt.Mehr
Dieser Platzhalter erscheint, weil Sie die Verwendung von «Social Media und externen Drittsystemen» in Ihren Datenschutz-Einstellungen deaktiviert haben. Klicken Sie auf «Inhalt laden», um diesen Inhalt einmalig anzuzeigen. Dabei können Cookies gesetzt und Daten an externe Anbieter übertragen werden. Passen Sie Ihre Datenschutz-Einstellungen an, um solche Inhalte dauerhaft anzeigen zu können.
Legenda:
Glista da candidats e candidatas da la vischnanca Val Müstair per las elecziuns dals 6 da november.
vischnanca Val Müstair
Binkert candidescha tuttina
Gnanc in'emna pli tard èsi dentant cler: Binkert candidescha tuttina per la suprastanza communala. Quai mussa la glista uffiziala da la vischnanca cun ils candidats per l'elecziun dals 6 da november che la populaziun ha retschavì cun il material da votaziun. Ils candidats che han vulì esser sin questa glista han stuvì annunziar las candidaturas enfin ils 17 d'october, in di suenter l'elecziun dal president communal.
Midà intenziun infra curt temp
Binkert ha damai midà intenziun infra 24 uras e decidì da tuttina candidar malgrà l'annunzia publica da sa retrair da la politica locala. Gabriella Binkert Becchetti n'è betg stada cuntanschibla per ina posiziun.
