Anfang Bildergalerie
Bildergalerie überspringen
-
Bild 1 von 5. V-Stick sta per Vitalini Stick. Bildquelle: RTR, V.Rominger.
-
Bild 2 von 5. Renato Vitalini posseda in hotel a Scuol, ils mauns èn dentant era quels d'in mastergnant. Bildquelle: RTR, V.Rominger.
-
Bild 3 von 5. Palantschieu sura en il "V-Stick labor". Bildquelle: RTR, V.Rominger.
-
Bild 4 von 5. Uschè vesan pertgas individualas or. Bildquelle: RTR, V.Rominger.
-
Bild 5 von 5. Tut las culurs e variantas pussaivlas - Vitalini fa pussaivel. Bildquelle: RTR, V.Rominger.
Ende der Bildergalerie
Zurück zum Anfang der Bildergalerie.
Blau, verd, pink cun in muster ni senza - Renato Vitalini piglia encunter ed accumplescha tut ils giavischs sche quai va per ina pertga da pestgar cun mustga. El è sez in pestgader passiunà ed ha perquai avant intgins onns cumenzà da far pertgas.
Jau hai in talent spezial per rumper pertgas. Adina laschar reparar custa temp e raps, perquai ha jau cumenzà da far sez ellas.
Oz è l'ufficina da V-Stick betg mo lieu da lavur, ma era il lieu nua che Renato Vitalini chatta ruaus. Qua passenta el bleras uras, cun lavurar ma qua e là era simplamain cun in magiel vin.
Chattar or cun il client tge che quest vul è l'emprim pass. Suenter vai vi da la lavur manuala
Radund 10 uras dovra Renato Vitalini per far ina pertga. 10 uras - quai vul dentant dir senza quintar tut il temp per procurar il material, spetgar cha la colla è sitga ni tut ils pass sper la vaira lavur vi da la pertga.