Engiadina - Tragic accident - mattetta da 5 onns mora
Tragic accident da traffic tranter Brail e Cinuos-chel. Ina mattetta da 5 onns è morta gievgia saira. Ses bab è vegnì blessà levamain, ha communitgà la Polizia chantunala grischuna.
Perquai che naiv era glischnada giu sin via ha in automobilist stuì franar. In auto che vegniva suenter ha medemamain franà, è dentant glischnà sin l'autra vart da la via. Là charrava in camiun encunter. Ils 3 autos èn collidads lateral ed in da quels è vegnì serrà tranter tschels dus en. La mattetta da 5 onns è sa blessada uschè ferm ch'ella è morta anc en il lieu d'accident.
