Engiadina - Trais blessads suenter collisiun sut Sent
Sin la via d'Engiadina sut Sent hai dà oz ina collisiun frontala. In automobilist è vegnì cun ses vehichel en ina curva sin il cuntravial ed è collidà cun in vehichel champester cun car annex.
Sco quai che la polizia scriva è il manischunz ch'ha fatg il sbagl sa blessà levamain. Sia conautista è sa blessada pli fitg, cun levas blessuras è in uffant mitschà che seseva davos. Tuts 3 èn vegnids manads cun l'ambulanza en l'ospital a Scuol. Il manischunz dal vehichel champester è mitschà senza blessuras.