Tenor la directura da la destinaziun Engiadina San Murezzan legitimescha il studi la lavur da la destinaziun. Ella elavura numnadamain gia dapi passa 7 onns il martgà chinais. I saja uss da sviluppar in’atgna ruta per ils Chinais che fan in viadi d’Europa e d’integrar differentas destinaziuns. Finamira principala restia dentant ch’era ils giasts chinais stettian plirs dis en in lieu.
Destinaziun Engiadina Scuol Val Müstair Samignun metta nagin focus sin Chinais
Tenor Niculin Meyer, il pledader da medias da la destinaziun Engiadina Scuol Val Müstair Samignun, vulan els bain nizzegiar il potenzial dals Chinais ch’èn da viadi per l’Europa. Els na veglian dentant betg elavurar activamain quel martgà. Esser ina staziun sin il viadi, quai possia dentant esser ina schanza per in u l’auter affarist en la regiun.