Legenda:
Bap e figlia, Göri e Sidonia Klainguti eran 7 onns ils redacturs dal Chalender Ladin
Violanta Rominger
cuntegn
Engiadina - Ultima ediziun dal Chalender Ladin sut ils Klaingutis
Ina bella, interessanta lavur. Ussa dentant sa legran tuts 2 da pudair dar giu questa incumbensa e sa deditgar pli fitg a la vita privata. La lavur sco redacturs han els resentì sco fitg vasta ed interessanta, dar giu l'incumbensa per novas forzas na fa dentant betg mal.
Il chalender saja tenor Sidonia Klainguti surtut pervi da las persunas che scrivan ils text quai ch'el è. In stgazi cultural che cumparà uss schon per la 107 avla giada. Fundà el aveva Peider Lansel e Otto Gaudenz.
Sidonia e Göri Klainguti han fatg la redacziun durant ils davos 7 onns, ussa surpiglia Bettina Vital l'incumbensa. Ils dus vegls speran cun elements enconuschents e bleras bunas novas ideas per in bun futur per il Chalender Ladin.
L'ediziun 2017 dal Chalender Ladin vegn preschentada sonda ils 3 december, las 17:00 en il Chesin Manella a Schlarigna.
