Siglir tar il cuntegn

Engiadina White Turf dà en l'aua

Pervi da las temperaturas autas n’han las cursas da chavals sin il lai schelà da San Murezzan betg gì lieu. Tenor il comité d’organisaziun era il ristg per jockeys e chavals massa grond. Il problem saja ch’i dettia memia bler aua sin il glatsch.

Quai han decidì tut ils involvads da la Seeinfra sur il comité d'organisaziun e la cumissiun dal lai fin las uniuns da sport da chaval Svizzer comunablamain. Las proximas cursas èn planisadas ils 14 e 21 da favrer.

Uss vuli temperaturas pli bassas

Per survegnir danovamain sut controlla dla pista da cursa da chavals sajan necessari as temperaturas pli bassas - uschia Gian Peter Niggli, suprastant dal comité d'organisaziun White Turf.

L'aua sin il lai vegn da las plievgias da l’emna passada. Pervi da las temperaturas autas n'è ella betg schelada. Sut las tendas sajan stads per part entirs lais.

Las proximas occurrenzas dal White Turf èn planisadas las proximas duas dumengias.

Intervista cun Gian Peter Niggli, suprastant dal comité d'organisaziun White Turf - tranter auter davart il privel da l’aua sin il glatsch per ils chavals:

Artitgels legids il pli savens