Pliras lubientschas da construcziun che la vischnanca da Zuoz ha dà suenter il termin da votaziun da l'iniziativa cunter abitaziuns secundaras n'èn betg legalas.
Quellas sa basavan sin contingents a partir dal 2018 ch'i n'astgass gnanc dar tenor la lescha federala davart abitaziuns secundaras. Quai ha la dretgira administrativa dal Grischun decidì ed uschia dà raschun al plant da la Fundaziun svizra per la protecziun da la cuntrada e da plirs vischins.
Per 6 da 10 cas n'exista uschia nagina lubientscha da construcziun legala da la vischnanca da Zuoz. La vischnanca ed ils pertutgads han anc la pussaivladad da far recurs tar il Tribunal federal.
