A chaschun da «La notg dals gastronoms» ha l’uniun Hotel & Gastro surdà per la terza giada il Gastrostern. Quai è in premi da simpatia che duess mussar la creativitad e la diversitad da la branscha da gastronomia. Nominadas eran 35 persunas or da tut las spartas da la gastronomia.
Legenda:
Ina part da las 35 persunas nominadas.
Uniun Hotel & Gastro
Sco quai che l’uniun Hotel & Gastro communitgescha èn en tut radund 16’000 persunas sa participadas via Facebook u SMS a quest voting. Las pli bleras vuschs ha survegnì il cuschinier e possessur da l’hotel IN LAIN a Brail, Dario Cadonau. Durant tut la stad ha el animà a ses giasts da prender part a questa votaziun.
RR actualitad 12:00