L’ennavada saja perquai ina mesira da segirezza per chavals e chavaliers, scriva l’organisaziun en sia communicaziun.
Durant ils proxims dis vegnia producì naiv per l’areal da radund 20’000 meters quadrats. Per la naiv natirala suten n’haja quai naginas consequenzas. La naiv producida cun maschinas n’haja naginas substanzas supplementaras e consista be dad aua.
Procurar vetta cumpacta da naiv
Il pais da la naiv natirala da l’emna passada aveva smatgà la vetta da glatsch en l’aua e procurà che quella s’ha maschadada cun la naiv. Per il turnier cun chavals vuli però ina vetta da naiv cumpacta. Uschia che las bestgas na glischan betg sin il glatsch e sa fereschan betg.
Planisaziun dal temp funcziuna
10 dis avant ch’il turnier cumenza sa preschenta il glatsch da lai da San Murezzan en in bun stadi. El haja entant cuntanschì ina grossezza da radund 35 cm uschia che las lavurs per installar tut l’infrastructura funcziunescha sco planisà.