En il cussegl communal n'è la chaussa betg stada dispitaivla. Opposiziun datti da las organisaziuns d'ambient. E quai malgrà ch'ellas sajan stadas integradas da prima davent en tut las discussiuns, hai gì num en seduta.
La suprastanza da San Murezzan haja pervi d'ina protesta da las organisaziuns d'ambient adattà levamain il project: In traject da 100 meters enturn il Lej dals chöds na duai betg vegnir ennavà, mabain preparà cun naiv natirala pervia da la palì protegida.
Allianza da taglia cun Puntraschigna
Plinavant ha il cussegl communal decidì da furmar in'allianza da taglia cun Puntraschigna. Tras quai che las decleraziuns da taglia vegnan controlladas e digitalisadas sco emprim da nov a Cuira haja l'uffizi da taglia da San Murezzan capacitads libras. San Murezzan vegn damai da nov a surprender ina part da las taxaziuns da Puntraschigna en in uffizi da taglia intercommunal, numnà allianza da taglia.
RR novitads 06:00