Engiadina - Er S-charl duai vegnir integrà en la zona da tgira
Per che la Biosfera Val Müstair Parc Naziunal survegn il label da l'UNESCO, èsi da stgaffir enturn la zona centrala ina zona da tgira. Questa zona duai vegnir fixada en in contract cun las vischnancas da Scuol, Zernez e S-chanf.
Per Scuol èsi impurtant che la fracziun S-charl fiss era integrada en la zona da tgira. Uschia pudessan ils dus hotels probablamain profitar dal label Biosfera, quai scriva la vischnanca. Il contract vegn ussa tramess a l'Uffizi federal d'ambient per laschar prender posiziun.
