Ils 73 votants da Schlarigna han ultra da quai er approvà las differentas cunvegnas da prestaziun da la Regiun Malögia. A partir dal 2017 duai quella manar il cudesch fundiari. Ultra da quai ha il suveran er ditg gea a la cunvegna da prestaziun cun la Regiun Malögia per l’utilisaziun dal rument.
Nova maschina per far pistas
Per 450’000 francs duai vegnir realisà proxima stad in nov magazin sper il santeri San Gian a Schlarigna. La radunanza communala ha en pli deliberà in credit da 360’000 francs per ina nova maschina per far loipas e l’adattaziun da la garascha per il nov vehichel.