La radunanza communala da Bregaglia di gea unanimamain cun 58 gea a la nova organisaziun turistica en Engiadin'Ota. Quai communitgescha la vischnanca. La vischnanca da Bregaglia ha era stuì decider en chaussa perquai che la fracziun da Malögia fa part da la nova organisaziun turistica. La vischnanca da Bregaglia vegn a sa partecipar cun 229'000 francs per onn a la nova societad d'aczias Engiadina San Murezzan Turissem.
Suenter Segl e Bever e Bregaglia la terza vischnanca che ha decidì en chaussa. Tut las vischnancas da l'Engiadin'Ota ston dir gea a la proposta per pudair fundar a la fin la nova societad d'aczias.