Legenda:
Era S-chanf di cleramain gea a la nova organisaziun turistica per l'Engiadin'Ota
RTR/A. Caprez
cuntegn
Engiadina - Era S-chanf di gea a la nova destinaziun turistica
Sco penultima vischnanca da l’Engiadin’Ota ha la radunanza communala da S-chanf approvà la participaziun a la nova furma turistica Engiadina San Murezzan Turissem SA.
Legenda:
Uss manca be anc la decisiun da la vischnanca da La Punt Chamues-ch.
RTR
La radunanza communala da S-chanf ha ditg cleramain gea a la nova societad d'aczias Engiadina San Murezzan Turissem, quai cun 31 gea encunter 6 na. Per fundar la destinaziun turistica en sia nova furma, vuli uss anc glisch verda da la vischnanca da La Punt Chamues-ch. Quella decida venderdi, ils 24 da zercladur 2016 en chaussa.
Survegliar deposit da rument
Ultra da quai ha la radunanza communala da S-chanf approvà la revisiun parziala da la lescha davart l’economisaziun dal rument. Nov duai il deposit vegnir surveglià cun indrizs da video.
