Sco che la polizia chantunala grischuna scriva, haja in giast sentì la notg enturn las 2:00 in fried da fim e constatà en il corridor bler fim.
El haja alura clamà tut ils ulteriurs giasts ed alarmà ils pumpiers. Ils giasts han pudì bandunar il hotel tras las extradas d’urgenza. Ils possessurs dal hotel han pudì vegnir liberads tras ils pumpiers. L’ospital a Scuol ha controllà tut ils evacuads sin pussaivlas tissientadas da fim. La raschun dal fieu vegn uss sclerida da la polizia chantunala.
RR novitads 12:00