Siglir tar il cuntegn

Header

Video
Exercizi grond a l'eroport da Samedan: Bilantscha positiva
Or da Actualitad video dals 01.06.2019.
abspielen
cuntegn

Engiadina Exercizi d'urgenza a la Plazza aviatica a Samedan

Venderdi, 15:00 – Tras Samedan strasunan las sirenas dad autos da polizia e pumpiers. Els èn vegnids alarmads cun il scenari: «Tar la plazza aviatica a Samedan hai dà ina collisiun d’in jet ed in aviun pitschen. Il jet ha tschiffà fieu.»

Video
Ils pumpiers da l'eroport Samedan han exercità il cas urgent
Or da Telesguard dals 03.06.2019.
abspielen

Questa giada era quai be in exercizi

Questa giada era tut in'exercizi. Dentant in exercizi che tut ils participads han prendì fitg serius. I sa tractia d'examinar, sch'ils collavuraturs da la plazza aviatica – ils pumpiers, salvament, polizia ed il CARE Team Grischun – èn pronts per il cas d'urgenza:

Tuts èn vegnids a temp. Ils pumpiers eran suenter 3 minutas sin il lieu.
Autur: Georg Luzzireporter RTR sin l'eroport Samedan

Tut ils 70 involvids da pumpiers e salvament hajan lavurà senza hectica.

Communicaziun ha potenzial

Era las medias eran vegnidas involvidas dals responsabels per confruntar las forzas da salvament cun ina situaziun uschè reala sco pussaivel. E cun las medias avevan las forzas da salvament bunamain memia blera pazienza. Quai era in dals paucs puncts ch'ils responsabels da l'uffizi federal han crititgà en lur bilantscha primarmain positiva da l'exercizi:

L’exercizi è stà in success, è vegnì ditg. Unicamain la communicaziun tranter ils differents involvids sin il lieu ed il sustegn per ils levamain blessads saja stada main buna.
Autur: Georg Luzzireporter RTR sin l'eroport a Samedan

La prova era terminada curt suenter las 17:00. L’organisaziun internaziunala d’aviaziun civila ICAO prescriva mintga 3 onns in exercizi d’urgenza. L’ultim exercizi a Samedan è stà l'avrigl 2016.

RTR, actualitad 15:30