Expansiun: In affarist da S-chanf stgauda chasas a Zuoz

Ils davos 10 onns ha Simon Salzgeber stgaffì in implant da chalur a distanza. LEn sis etappas ha el tatgà las chasas a S-chanf. Uss vai enavant a Zuoz. La scola media privata, il Lyceum Alpinum, vul era far part da la rait. E sche las lingias vegnan schon tratgas, sa collia era la vischnanca.

Laschar ir video «Stgaudament da zinslas da S-chanf era per Zuoz»

Stgaudament da zinslas da S-chanf era per Zuoz

1:40 min, dals 27.10.2016

Il stgaudament da chalur a distanza era l'entschatta pensà per sia lainaria. Igl era dentant spert clar a Simon Salzgeber, sche quai duai render en ina maniera u l'autra stoppia el far insatge pli grond.

lingia da chalur. Avrir maletg en lightbox.

Legenda da maletgs: Nua che la lingia da chalur da la firma Salzgeber va tut tras. RTR

Oz stgauda el S-chanf, prest era parts da Zuoz ed il Lyceum Alpinum. Quai era la finamira dal possessur da la firma Simon Salzgeber - numnadamain avair in grond client sco il Lyceum. Ch'il client grond è uss a Zuoz è sa dat uschè. Per trar las lingias da S-chanf a Zuoz ha el investì radund 3 milliuns francs.

7-avla etappa dapi il 2010

Il stgaudament da chalur a distanza è en funcziun dapi l'onn 2010, dapi la è la rait adina creschida. Ir a Zuoz e colliar il Lyceum è uss la 7-avla etappa dal project. In'ulteriura segua l'onn 2017 cun colliar la zona da masteranza a Zuoz.

Ed era en avegnir vul Simon Salzgeber investir per avair enavant la pussaivladad da colliar ulteriuras chasas vi da ses stgaudament da chalur a distanza.