Els han tuts la medema finamira: vegnir a Berna e festivar ils 5 d'avust 2016 il giubileum da 100 onns «Organisaziun dals Svizzers a l'ester». Els, vul dir: 129 giuvnas e giuvens da 46 differentas naziuns. Ils giuvenils èn repartids en quatter gruppas. Ina parta davent da Basilea, ina da Dangio (TI), l'autra da Estavayer-le-Lac (FR) e l'ultima da Sur Èn da Sent. Il focus è tar mintga gruppa in auter. Ils giuvens da Sur Èn da Sent han il focus «sport e temp liber».
In inscunter multicultural
La gruppa «sport e temp liber» è arrivada la sonda, ils 23.07.2016 a Sur Èn da Sent. 41 giuvnas e giuvens dad 11 differentas naziuns exploreschan enfin mardi l'Engiadina Bassa. Suenter viagian els a Passugg, Uster, Sörenberg e la fin finala a Berna sin la Plazza federala.
Partecipants al champ da vacanzas per svizzers a l'ester a Sur En
Austria | 1 |
Belgia | 1 |
Canada | 2 |
Svizra | 1 |
Columbia | 1 |
Germania | 3 |
Spagna | 4 |
Frantscha | 5 |
Gronda Britannia | 2 |
Italia | 2 |
Libanon | 1 |
Mexico | 1 |
Ollanda | 1 |
Stadis Unids da l'America | 14 |
Singapur | 1 |
Arabia Saudita | 1 |
Moviment è impurtant
Suenter gieus d'emprender d'enconuscher in l'auter, haja gì num da sa mover. Cun ina «cursa d'orientaziun» han ils giuvenils scuvrì ils conturns da Sur Èn da Sent. Tuts en gruppas pitschnas e la lingua principala era(n) l'englais u tuttina il spagnol, ni il tudestg.